日本人氣女團乃木坂46成員「北野日奈子」，繼三年前推出首本寫真大賣近7萬本後，日前終於宣布要出新作，喺更多預覽圖曝光之前，今年就同大家重溫一下佢嘅靚相。

今年25歲嘅「北野日奈子」早於2013年參加乃木坂46成為二期生，性格開朗可愛又經常笑，畀人一種充滿活力嘅感覺。三年前首推寫真《空気の色》就取得極大迴響，第一個禮拜已經賣出3萬幾本，累計發行量高達7.2萬本。據了解，今次新作「北野日奈子」將會遠赴鹿兒島及種子島取景，水著及內衣造型通通有份，大曬成熟女性魅力，預計出年2月發售，唔知今次銷量可唔可以再創高峰呢。