近年日本傳媒好鍾意用「XX年一遇」嚟形容美女，例如千年一遇美少女「橋本環奈」、二千年一遇美少女「滝口ひかり」，四千年一遇美少女「齋藤飛鳥」等等，唔單只有過譽之嫌，亦都開始用到有啲濫，好似隨便一個靚女都係X年一遇咁誇張。之不過呢，能被傳媒冠上呢啲稱號嘅女星，確實一定有返咁上下實力嘅，就好似今日呢位兩萬年一遇嘅「小栗有以」。

今年20歲嘅「小栗有以」早於2014年加入AKB48，歷年憑住清純可愛形象俘獲唔少Fans，近年更被力捧成新世代主將。為慶祝踏入20歲成年嘅大日子，佢喺上年就專程去到沖繩取景，拍攝首本個人寫真集《君と出逢った日から》，挑戰咗好多個第一次，第一次拍入浴照、第一次拍泳衣照、第一次拍起床照等等，向Fans們展示佢「大個女」嘅一面，有興趣嘅朋友就要留意喇。