有咩勁得過拎新人獎？就係同時拎新人獎同大獎！就好似今日介紹嘅「川瀬もえ」，出道冇耐就喺「日本賽車皇后大賞 2021」相繼奪得最優秀新人獎及大獎，成為史上首位同時獲得兩個獎項嘅賽車皇后。

今年28歲嘅「川瀬もえ」，入行前曾經喺一間公司做過祕書，同時又係一位網紅兼直播主，經常直播打機累積落唔少Fans。直到2019年12月加入著名事務所「01familia」正式進軍寫真界，並喺上年涉足埋賽車皇后界，並獲得非常好嘅成績。「川瀬もえ」除咗經常喺IG/Twitter派福利之外，仲有一個YouTube Channel放ASMR片，有興趣嘅朋友可以不妨去睇下。