2020年時，我就同大家介紹過當時出道僅幾個月嘅「藤乃あおい」，當時我就已經話以佢呢個身材、樣貌，一定能夠於日本水著寫真界站得住腳。事隔年幾，藤乃あおい唔單止站得住腳，仲站在頂點！因為佢已經連續兩年成為寫真銷量冠軍！

現年23歲嘅藤乃あおい於2020年7月先正式出道，11月先出第一隻寫真DVD，但就係呢兩個月唔到嘅時間，就足以令佢成為日本著名銷售平台DMM上嘅年度寫真DVD銷量第一，乃係真真正正嘅「出道即顛峰」。佢冒起嘅速度甚至快過業界反應，例如捧紅過唔少寫真女星嘅《週刊Playboy》及《FLASH》雜誌，就要去到2021年下半年先搵到拍第一次封面寫真。

藤乃あおい走紅嘅原因，好明顯就係因為被《FLASH》稱為「北陸炸藥Body」(藤乃あおい出生於日本北陸地區石川縣)、具體啲黎講上圍有100cm (約40吋)嘅身材，其他優點唔係冇，但你睇到咩？更難得嘅係，2021年嘅寫真DVD銷售冠軍依然係佢！能夠於競爭激烈嘅日本寫真界連續兩年成為銷量冠軍，睇黎大家真係「百」看不厭呀下！

圖片：fujino_aoi on IG