早排台劇《華燈初上》成為大熱，相信唔少人都有睇過，亦非常嚮往當年嘅夜總會文化——當然，有唔少人都係嚮往入面啲小姐，甚至由林心如飾演嘅「Rose媽媽」相信都有唔少人有興趣。但你又唔好以為拍戲先有咁靚嘅女仔經營夜總會，現實中唔單只有女仔做夜總會老闆，甚至仲係年輕貌美嘅少女！

於IG及TikTok分別有近十萬Followers嘅浜辺凛香就係一個好例子！據專門介紹日本夜總會及陪酒小姐嘅網站「Nights.net」指，浜辺凛香今年只係27歲，但據佢喺Twitter嘅自我介紹，佢已經係日本北海道札幌一間叫「鈴鐘」嘅夜總會老闆，換言之佢就係店入面嘅媽媽生！觀乎佢喺社交平台嘅人氣，相信佢亦係店入面嘅紅牌小姐。

不過就算大家冇機會 (主要係冇錢啦下) 去佢間鋪幫襯都唔緊要，浜辺凛香嘅IG上都有好多佢嘅性感可愛生活照，大家一樣可以感受下呢位又靚、身材又好、又後生、又事業有成嘅日本夜總會老闆娘嘅魅力。

圖片：rinka.716 on IG