講起漫畫大家第一時間都諗起日本，而講起漫畫作者，大家亦會第一時間諗起嗰班一日到黑唔出街，大多不修邊幅嘅麻甩佬。不過喺韓國，漫畫家嘅形象似乎就唔係咁。好似今晚要介紹呢位女漫畫家「貓咪」咁，本身就靚到喺漫畫走出黎咁呀！

在 Instagram 查看這則貼文

야옹이（@meow91__）分享的貼文

現年30歲嘅「貓咪」本名「Kim Na-Young」，「貓咪 (야옹이)」係佢創作漫畫時使用嘅筆名黎。佢自2018年起創作網絡漫畫《女神降臨》大受歡迎，後來因為漫畫改編成韓劇，加上佢本人嘅美貌令佢變成韓國名人，而且收入頗豐——本身鍾意跑車嘅佢曾經擁有過Mercedes AMG GT S、Porsche 911、Porsche Macan、McLaren 570S及法拉利Roma等名車。

不過「貓咪」嘅人生都並非一帆風順，早於2020年時佢就被爆出已經結婚，結果佢當時出黎澄係「曾經結過，已經離咗」；到2021年時佢主動於IG上公開有個當時8歲，讀緊小學嘅仔，表明自己係單親媽媽嘅身份。另外佢嘅身材樣貌亦經常被批評「全個人都係假嘅」，佢早前亦於電視節目中承認有後天加工，但就只係微整型嘅程度。不過你睇佢個IG有超過150萬Followers，就知根本冇影響佢嘅人氣——又好老實講，以佢呢個外表、呢個才能以及呢份財力，唔好講佢有個八歲嘅仔，佢有八個仔都一定有男人爭住拜入佢石榴裙下啦！

圖片：meow91__ on IG