雖然日本唔算一個面積好大、人口好多嘅國家，但唔知係因為山靈水秀定係咩，不停能夠培養中有外表、有身材、有才華嘅女偶像，甚至有唔少人係需要多年努力先能夠吸引大家注意，好似今晚要介紹呢位「田中美久」，就係一位於偶像界奮鬥咗近10年嘅「老將」！

田中美久出生於日本熊本縣，小時候因為鍾意當年嘅AKB皇牌大島優子而決心投身偶像界，11歲就已經通過AKB第三期徵選，加入位於福岡、相對較近家鄉嘅HKT48出道。如是者默默耕耘多年，去到2018年先與後來加入韓國女團IZ*ONE嘅矢吹奈子一齊擔任Centre，同年於AKB總選中首次進入頭10名，首次成為總選單曲選拔成員。

但即使已成名人，田中美久一直都冇忘記家鄉熊本，先後於2017及2021年年成為熊本蘆北町及熊本市親善大使，去年佢乘住自己年滿20歲，推出於嘅首本個人寫真《1/2少女》亦回到熊本拍攝，甚至被問到未來目標時，佢都話希望老家熊本可以更受歡迎。

圖片：mikumonmon_48 on IG