曾幾何時，來自AKB嘅「神7」、「神8」可謂統治整個日本偶像界，佢哋嘅水著寫真亦為一眾少男帶來唔少令人血脈僨張嘅娛樂。但隨住佢哋相繼畢業，結婚嘅結婚，生仔嘅生仔，甚至連離婚嘅都有，目前「神8」中仲留喺演藝界嘅就只有小嶋陽菜及柏木由紀二人，當中仲會為少年雜誌拍水著寫真嘅，更只有柏木由紀一人！

柏木由紀於去年迎來三十歲，其中人生近半都係以偶像身份渡過，被日本傳媒稱為「傳奇偶像」，佢亦推出三十歲紀念寫真集《Experience》展現「大人的性感」。近來佢又再為《週刊Young Jump》去到日本著名海灘「宮古島」拍攝夏日寫真，碧海藍天配上柏木由紀白到反光嘅皮膚以及隱隱可見腹肌嘅纖腰，令人慶幸佢狀態保持得好好。希望佢嘅演藝事業都可以再進一步啦。

圖片：yukikashiwagi_official on IG