日本媒體喺報導寫真女星時，好多時都會跟據女仔嘅特色為佢起個「朵」，吸引大家留意嘅同時，亦為女仔增加記憶點。但老實講唔少「朵」都係用完再用，啲巨咩、長咩、白咩，王道美少女、清楚系美人幾乎一街都係。但今晚要介紹嘅呢位「池本しおり」就獲得日本傳媒幫佢創造咗一個全新嘅詞語出黎做朵，證明佢真係靚得好有特色？

現年19歲嘅池本しおり，15歲時同屋企人喺原宿行街時被星探發掘而入行，2020年高中三年級時參加《週刊Young Jump》舉行嘅製服選美比賽「制コレ'20」獲得總冠軍而加入寫真界，同年就登上《週刊Young Jump》封面，又獲得另一雜誌《FRIDAY》為佢一次過推出三本寫真，可謂去年出道嘅新人中最搶眼嘅一位。

至於佢個「朵」，就係「ミニグラ」，其中「ミニ」直譯係「Mini」，可以代表佢只有150cm高嘅嬌小身形，亦可以代表佢清純無添加 (Minimal) 嘅樣貌，而「グラ」就係「Gravure (水著寫真)」嘅片假名簡稱，當然亦代表住佢嘅F Cup好身材。大家又點睇「池本しおり」呢？

圖片：shiori_ikemoto on IG