我留意到每晚嘅「深夜系列」中，都有啲人會不停留言問「呢個幾時下海、嗰個幾時下海」。其實雖然日本人對於拍攝AV嘅接受程度，比起香港已經高得多，但「下海」通常都係最後一招，特別係本身已經有啲名氣嘅女星、寫真偶像，唔到山窮水盡走投無路，都好少會考慮下海。不過無可否認，淨係幻想一下啲寫真女星會下海，有時又真係幾令人興奮。既然係咁，今晚就同大家介紹一個曾經有「下海傳聞」嘅寫真女星「街山みほ」。

現年24歲嘅「街山みほ」本來就讀日本名校「慶應義塾大学」，就學期間被日本著名攝影師「篠山紀信」發掘而拍咗第一套水著寫真，2021年正式加入寫真界並推出全裸三點盡露寫真，憑名校出身、超美形體態再加大膽露出而闖出名堂。而且佢唔單止影啲相大膽，平時嘅行為亦相當大膽，例如佢個YouTube頻道就曾經夜媽媽去公園打算撞破…呃…喺公園做「運動」嘅情侶，同時負責其YouTube業務嘅經理人講嘢亦堪稱口沒遮攔，更曾經因為亂噏「街山みほ」會加入AV界而引起誤會，結果要「街山みほ」拍片否認。

其實「街山みほ」出道後嘅發展都算唔錯，入生第一部主演嘅電影《ヘタな二人の恋の話》亦於7月初上映 (同樣有露點演出)，距離「山窮水盡走投無路」都有好一段距離，相信短期之內佢都唔會下海架啦。

圖片：machiyamamiho on IG