日本偶像風氣盛行，甚至唔少父母都樂意畀小朋友自細加入藝能界。當然，有唔少人都係中途因為各種原因離開，但總有人係可以好似今晚要介紹呢位「杉本愛莉鈴」咁，由童星開始一直堅持十幾年，更長「大」成人，加入寫真界，造福大家眼球。

2000年出世，8月先滿22歲嘅杉本愛莉鈴，出身於日本廣島市，4歲時就已經加入當地嘅演員學校，一心以加入藝能界為目標。10歲時就成為日本小學生時裝雜誌《ニコプチ》嘅讀者模特兒，從此開始佢嘅模特兒之路。一路去到2017年，17歲時就正式加入寫真界。

不過往後幾年，佢就專心發展滇演員事業，係到今年4月先重新開始拍攝寫真，結果佢唔單止年紀有長大，連身材都長大咗好多，以168cm及G Cup身材成為寫真界嘅亮眼新星。而且佢人緣極好，4月重新開始寫真活動時，高中時嘅一群男同學更以「高中同學做咗寫真偶像，夢想成真啦！」為由展開應援活動。相信佢未來嘅發展應該會更好啦。

IG：sugimoto_mariri