日本女星壇蜜因為曾經出演數部成人電影，故被稱為「SM女王」、「情色女王」，從自「壇蜜」一名就成為「情色」嘅代名詞。而近日日本就出現一位被稱為「令和的壇蜜」嘅新晉寫真女星「宇佐美えり」，除咗有住如同壇蜜一樣艷麗嘅外表之外，佢仲係一位真真正正嘅「大小姐」！

現年25歲嘅宇佐美えり，日前於《週刊Playboy》獻出佢嘅第一次寫真，身穿黑、紅內衣搔首弄姿嘅佢，的確係有幾分壇蜜嘅「色氣」氣質。而喺訪問當中，宇佐美えり亦指自己自高中時，就已經被人話同壇蜜有幾分似，甚至當時佢嘅花名就係「壇醬」、「蜜醬」，最後直頭就叫「壇蜜」。不過比起呢啲大家睇相都見到嘅嘢，我更想同大家介紹一下佢嘅背景，事關據佢於訪問中透露，佢似乎就係一個來自名門嘅大家閨秀。

宇佐美えり於訪問時又提到，佢嘅另外一系列花名，通通都係「お嬢 (大小姐)」、「姫 (公主)」又或直接被叫做「財閥」之類，似乎就代表佢啲同學都覺得佢出身於大富之家；同時佢亦自爆平時稱呼媽媽做「母上 (母親大人)」，而爸爸就係「好似佛地魔一樣唔可以講佢個名」嘅存在，而佢哋一家人嘅聯誼活動竟然係去打高爾夫！你再睇睇啲寫真入面佢眉梢眼角滲出黎嗰股氣場，成個有錢人形象出哂黎！

IG：eriusami_