日本寫真界人材輩出，後浪推前浪嘅事情經常發生，加上男人或多或少都有啲貪新忘舊，所以好多以前睇開嘅寫真女星，依家直頭唔提你都唔記得佢係邊個黎。而今晚要介紹呢位「葉月ゆめ」咁，當年可以話係我最鍾意嘅寫真女星之一，但如果唔係喺IG碌到佢啲相，我都唔記得咗佢。

現年30歲嘅葉月ゆめ，細細個就已經加入藝能培訓學校，17歲時以「柳里穂」之名，加入偶像組合「KiraKira六本木女學院」出道。2010年參加「Miss Magazine」選美進入準決賽後，就改名做「葉月ゆめ」並正式加入寫真界活動。當時嘅佢憑住H Cup嘅豐滿身材，成為寫真界嘅熱門女星之一。但活躍咗幾年，喺2016年時佢就突然宣佈結束藝能活動，後來仲做埋媽媽。雖然2017年時就已經復出拍攝寫真DVD，但注目度就已經大減。

好在社交網站嘅興起，加上佢嘅身材真係有料，所以雖然幾乎絕跡於主流媒體，但佢嘅網絡人氣依然強盛。目前「葉月ゆめ」仍然有出席不同攝影會，亦有為品牌拍攝寫真照，今年4月更加重返校園成為學生。比起當年嘅佢，依家30歲嘅佢似乎更加吸引。

IG：yume_hazuki