作為「卡哇兒」文化嘅發源國，其實「可愛」、「萌」先係日本最標誌性嘅審美標準——畢竟論「大」嘅話，點都唔夠啲外國人黎架嘛——所以今日我就決定同大家介紹一個超級可愛、甜到漏汁嘅女仔，佢就係「愛瀬ひな」。

愛瀬ひな係日本偶像團體「METAMOL!!!」嘅成員之一，身高只有150cm嘅佢，全身上下都散發住一股可愛妹妹香甜氣息，激發起男人們嘅保護慾之餘，仲令人好想大大摵佢面珠墩。而事實上，佢亦真係一個妹妹，因為2002出世嘅佢，要對1月先夠20歲，換言之睇緊呢篇文嘅各位分分鐘可以做佢老豆。

平時嘅愛瀬ひな，都係以可愛風妝扮示人，不過近期佢就為《週刊少年Gan Gan》獻出自己嘅「初水著」，媒體仲用極具潛力嘅「原石」黎形容佢嘅寫真。睇完佢啲相真係令人想生返個好似佢咁可愛嘅女……咁係咪應該要搵返個好似佢咁可愛嘅老婆先？

IG：_aisehina