我知大家撳入黎嘅其中一個原因，係因為你哋見到今日要介紹嘅呢個女仔姓「秦」，所以想睇下佢究竟係咪某一個國家嘅移民或者混血兒。而事實上呢個姓，亦唔係「秦瑞穂」嘅唯一特別之處，佢仲有一個香港想像唔到嘅身份，「溫泉鑑定師」。

先講佢個姓。根據維基上嘅資料，「秦瑞穂」係佢嘅本名，而且佢出生於日本長野縣，亦冇任何資料顯示佢屋企人有中國血統，所以佢真係正宗日本人。實際上「秦」呢個姓氏喺日本亦有源遠流長嘅歷史，例如京都著名嘅「伏見稻荷大社」就係秦氏所建立，只係後來日本秦氏末落，大部份人被改姓羽田、波多、波多野等，到近代先開始有人復姓為秦。

講返「秦瑞穂」本人。現年33歲嘅佢，其實早於15歲就已經寫真出道，16歲時仲贏過《週刊Playboy》舉行嘅「Miss 週Play」最上鏡小姐獎。至今除咗推出過23隻寫真DVD、十本寫真集、登上為多本少年雜誌拍過N次寫之外，最著名嘅工作就為朝日電視台拍攝溫泉節目「秘湯ロマン」，仲拍到佢去拎埋由日本溫泉鑑定師協會頒發嘅執照，係有牌嘅溫泉鑑定師。如果有機會同佢浸溫泉呢，一定好開心定啦。

IG：hatamizuho