所謂「條件反射」，其實係指當A、B兩件事經常同時出現，所以你見到A嘅時候就自然會諗起B。咁同我哋今晚要介紹嘅呢位「 宇都宮未来」有咩關係？就係因為過去幾年大家一見到「 宇都宮」呢個名，就會諗起「神乳」，所以當你見到「宇都宮未来」呢個名嘅時候，或者都會下意識覺得佢身材好好——好在嚴格上你亦都錯唔哂！

宇都宮未来係平成15年，即係2003年出世，換言之佢目前只係得19歲。2018年年僅15歲時就加入秋元康製作嘅女子偶像團體「The Coinlockers」而開始音樂及藝能活動。去到2021年6月從團體畢業、相隔一年後於2022年6月再次演藝活動，同時開始踏足寫真界。近日仲首次登上《週刊Playboy》，展現短髮可愛美貌。

雖然從寫真中可以睇到，宇都宮未来嘅身材大家好熟嗰位「宇都宮」都仲有一段距離，但佢亦絕非平平無奇，甚至如果你睇佢於Twitter發佈嘅相，身材更可以話係頗有睇頭。加上佢依家先19歲，身材可能仲有進步空間。我個人就幾睇好佢於寫真界嘅「未來」啦！

IG：mirai_utsunomiya