{ SKIP }
文:MenClub 魏文青  
POSTED ON 30 Jan 2023

早幾日同大家睇過今年40歲、Keep得勁好,仲離咗婚無耐嘅杉原杏璃復出拍寫真集,相信勾起大家唔少回憶。而近日另一個同樣四十歲、同樣Keep得勁好,同樣搞緊離婚嘅寫真女星「熊田曜子」亦成為日本傳媒報導對象,不過今次就唔係啲咩好嘢,而係早前控告丈夫家暴嘅佢,近日被丈夫反爆佢與多人偷情,而證據就係佢隨身帶住嘅性玩具上有多過一個人嘅DNA!

熊田曜子IG寫真

卻說2021年5月,熊田曜子與其企業家老公發生爭執,期間熊田曜子報警指被家暴,警方隨即到場拘捕其丈夫A先生,不過A先生好快就被釋放,同時二人開始為離婚而打官司。而A先生於同年6月開始對傳媒指出熊田曜子有外遇,但熊田曜子本人就拒絕回應。

二人嘅離婚審訊於2021年10月開始,到今年1月23日兩人首次親身到庭 (之前因為疫情而改為視訊出席),傳媒亦開始跟進報導。而據《週刊文春》指出,當日庭上嘅一大重點,就係A先生指控熊田曜子與商業媒體員工B先生外遇,並要求550萬Yen賠償。而A先生提出嘅證據,就係於熊田曜子擁有嘅「Womanizer」性玩具 (順帶一提,貴嘢黎) 上發現到B先生嘅DNA。

熊田曜子較早前寫真

據知,A先生某次從熊田曜子嘅筆記本以及電話中嘅錄音,發現佢可能與B先生有路,並於熊田曜子嘅手袋中搵到性玩具,於是想收集B先生嘅DNA與性玩具上可能存在嘅樣本作比對。A先生請咗個私家偵探,而私家偵探就襯B先生與其妻兒出外食飯時,收集到佢用過嘅木筷子,並連同性玩具一齊送去化驗所。

令人驚訝嘅係,化驗結果發現個性玩具上,唔止得B先生嘅DNA,而係「多人混雜的DNA」,換言之熊田曜子嘅外遇對象可能唔止一個 (除非佢借出去畀人用)。但值得一提嘅係,由於DNA鑑證嘅嚴謹性,「多人嘅DNA中有B先生嘅DNA」,係唔代表「性玩具上嘅DNA與B先生完全一致」,所以仲需要進行更嚴密嘅化驗,而化驗結果亦成為是次離婚官司嘅重點。

另外,據報日本法院係傾向叫A先生及熊田曜子二人和解,考慮到熊田曜子係提告嗰個,可能代表法庭都傾向認為熊田曜子有外遇。

IG:kumadayoko

大家有無試過因為同一時間經歷好多事,所以即使實際時間唔係過咗好耐,但體感時間就長得多嘅錯覺?我每次見到今晚介紹嘅呢位「菊地姫奈」時,都會有呢個感覺。事關佢自出道以黎,就一直雄據各大雜誌嘅寫真版位,作品 ...
girls
【深夜】出道五年成「令和完售女王」!「菊地姫奈」戰力驚人
28 Nov 2025
日本各大青少年雜誌嘅寫真版面,係一眾寫真女星嘅主戰場。但由於僧多肉少,加上要為讀者提供新鮮感,哪怕寫真女星再紅再受歡迎,都好少會於短時間內出現於同一本雜誌之上。而今晚要介紹呢位「福田ひなた」就係當中嘅 ...
girls
【深夜】「可憐」偶像處女寫真大紅 「福田ひなた」破紀錄最速回歸
26 Nov 2025