有留意開日本寫真女星嘅你，近幾年應該經常見到「沢口愛華」呢個名。而雖然呢位當紅寫真女星已經出道好幾年，但其實佢於上週五先迎來自己嘅20歲生日。而早前佢就同雜誌合作，推出一系列新寫真，保留「10代」最後的青春面貌。

2003年2月24日出世嘅沢口愛華，早於2017年，即係佢14歲時，就參加家鄉名古屋嘅美少女選拔奪冠，並加入當地偶像組合dela正式出道。一年後佢參加日本著名寫真女星選秀比賽「Miss Magazine 2018」，擊敗近3000人獲得冠軍，繼而開展其極成功嘅寫真生涯，亦成為各大青少年雜誌嘅封面常客。除咗2019年、2020年推出嘅兩本個人寫真集成為銷量冠軍之外，更於2021年於「Cover Girl大賞」中獲得總冠軍、漫畫部、寫真部及10代部大賞，成為少有嘅四冠王。

而為咗紀念自己終於踏入「二字頭」，沢口愛華上星期就與講談社合作，推出《Tokyo Trip》及《GRAVRE A to Z》兩本寫真集，可見佢身材依然吸引之餘，亦慢慢擺脫過往嘅稚氣，女人味開始湧現。希望佢未來會繼續留喺寫真界造福人群啦。

IG：sawaguchi_aika_official