話說近排我就研究緊AI自動生成圖片，但或者係因為啲AI系統都係外國開發嘅關係，如果你叫佢生成一個女仔，通常都係好有肉地嘅，你打「Thin」或者「Fit」落去呢，佢又一係好瘦一係好大隻，後來我就發現，原來我哋眼中瘦得黎有啲肉、身形修長嘅女仔，英文係叫「Slander」，具體黎講呢，就係好似呢位「松平璃子」咁啦。

現年24歲嘅松平璃子，2018年時加入櫻坂46 (當時名叫櫸坂46) 而出道，但於團體逗留咗短短三年，2021年初就宣佈卒業，隨後簽約新經理人公司以演員為目標再出發。而為咗累積人氣，去年5月佢就開始為雜誌拍攝水著寫真，唔拍尤自可，一拍大家先知原來身高169cm、擁有九頭身模特兒身形、平時睇落瘦蜢蜢嘅佢，身材原來都有啲睇頭，再加上一雙白滑長腿、堅挺嘅Pat Pat，瞬間就成為寫真Fans們嘅新寵兒。

另外值得一提嘅係，松平璃子嘅祖上，乃係日本歷史名人德川家康。據佢回憶，老家仲真係有本德川家族譜，目前同佢細個時條臍帶放埋一齊。而佢媽媽本來想將佢個名改做「葵」(德川家家紋係三葉葵)，但後來想低調啲先改做「璃子」。未來佢亦希望繼續於寫真界發展，希望有一日做到封面女郎，大家可以拭目以待啦。

資料來源：riko_matsudaira_official