日本嘅特攝劇集素來都唔怕使用新人演員，所以「拉打」系列歷年就捧出過唔少年輕美女。而另一特攝系列「Ultraman (俗稱咸蛋超人)」亦不遑多讓，除咗2021年嘅《Trigger》帶起咗新一代水著女星豊田ルナ，去年開始播放嘅《Decker》同樣有靚女坐陣，佢就係「村山優香」！

早前2月迎來20歲生日嘅村山優香，最早於2015年就開始演員生涯，而佢入行嘅目標，就係想拍攝特攝片，所以當日佢係抱住「非成功不可」嘅心態去參加《Decker》嘅試鏡。值得一提嘅係，佢喺參演《Decker》之前，曾經為《週刊Playboy》拍攝寫真，而當期雜誌封面，就係Ultraman師姐「豊田ルナ」，輯寫真主題仲係「新女英雄」，可謂非常巧合。

睇咗上面啲相，你或者都有發現，村山優香好似好Cool、唔太會笑咁。但據佢自己講，其實佢經常犯啲笨拙錯誤，而且私底下嘅佢非常鍾意笑，仲成日笑到成個阿叔咁。另外佢話年滿20歲之後最想做嘅嘢係揸車，話見到有女仔揸Land Rover覺得好有型。睇黎其實係個非常爽朗嘅女仔呢！

IG：murayama_yuuka_official