今日要介紹呢位「松下玲緒菜」，其實早於兩年前我哋都介紹過。今次再介紹，一來係因為佢新相，二來係佢為《週刊Playboy》拍攝嘅最新一輯寫真，竟然大大隻字寫住「卒業」、「最後」！莫非呢位23歲少女要喺自己狀態最Fit時離開寫真界？

現年23歲嘅松下玲緒菜，早於2015年就以日本雙馬尾協會推出嘅女子偶像組合「Maneki Kecak」創團成員身份出道，2017年就已經為《週刊Playboy》拍攝寫真仲上埋封面。後來於2019年因為未成年進入酒吧 (但冇飲酒) 而被組合罰自肅一個月後，就更加落力於水著界發展，並於2020及2022年先後推出兩本個人寫真集。其中2020年生日推出嘅寫真，更去到台灣取景，當時都曾經引起一輪報導。

不過去年年初，佢就宣佈會於2023年春天從團體卒業，所以文首提到嘅雜誌寫真，其實係話佢「偶像團體卒業」，「作為偶像嘅最後一次寫真」，並唔係話佢以後就封胸。而喺接受訪問時，佢就提到自己尚未決定卒業後嘅事業路向，淨係知道自己想繼續唱歌。不過我諗大家都希望佢繼續影多啲寫真啦！

IG：matsushita_reona