{ SKIP }
文:MenClub 魏文青  
POSTED ON 13 Mar 2023

除非你係準備應付公開考試嘅高中生,否則三月對大部香港學生黎講,就只係「新年之後、復活節之前冇假放」嘅月份。但對採用三學期制嘅日本學生黎講,3月就係就係學年結束嘅重要月份——哦?你話你幾廿歲人已經唔記得做學生時嘅感受?唔緊要,我用「咲田ゆな」嘅最新寫真黎喚醒你嘅青春呀下!

如果要計出道年資,現年19歲嘅咲田ゆな其實出道未滿一年,事關佢係去年7月時參加日本著名寫真女星選秀比賽「Miss Magazine」先首次於大眾面前亮相。更難得嘅係,當時嘅佢係一名無經理人公司嘅「一般應募者」,用大家熟知嘅概念去理解,佢就即係一個真真正正嘅素人。但哪怕冇經理人公司支持,佢都依然憑個人實力,成為去年「Miss Magazine」雙冠軍之一,今年1月先簽約經理人公司正式出道。

而早前佢就為《Young Magazine》拍攝一輯名為「畢業的季節」嘅新寫真,顧名思義就係用校服,勾起大家對於中學時代學年結束嘅回憶。雖然咲田ゆな無論身材樣貌都稚氣未除,但見到佢由著住成套校服,到最後只穿白色內衣,我都睇到有啲嘢流出黎——係眼淚。

IG:sakita._.yuna

唔少日本寫真女星都有個屬於自己嘅稱號,以方便Fans去記得佢哋。既然係咁,個稱號自然就應該同個人有返些少關係先得啦係咪?但我今晚要介紹呢位「西野夢菜」,就有一個我睇唔出同佢本人有咩關係嘅稱號睇黎要靠大家一 ...
girls
【深夜】睇唔明個稱號點黎 寫真界灰姑娘「西野夢菜」出寫真集
18 Jul 2025
一個兩個月大嘅BB可以做到啲咩?除咗食、屙、瞓同喊之外,好似都冇可以做到啦下嘛?但今晚要介紹呢位「加藤綾乃」,就由兩個月大開始就已經於日本演藝界出道,到近年更加成為多才多藝嘅寫真女星添! ...
girls
【深夜】2個月大就出道 多才多藝「加藤綾乃」成寫真冠軍
16 Jul 2025