{ SKIP }
文:MenClub 魏文青  
POSTED ON 13 Mar 2023

《遊戲王》卡牌風靡全球,除咗用黎炒之外,仲有大量玩家希望於官方比賽中得到好成績。但如果玩家們想參加比賽,未來除咗要精進自己嘅技術之外,仲可能要留意一下「政治正確」。事關主辦美國《遊戲王》錦標賽嘅Konami Digital Entertainment (KDE) 日前公佈咗最新版本嘅賽規,其中有一項就係話玩家叫錯對方性別的話,將會被DQ。

所謂「錯判性別 (Misgender)」,係指對個人或群體使用對方不認同的性別化稱謂,例如叫一位男性做「女士 (Ms/Mrs)」,又或用男性代名詞「He/His」去稱呼一名女性。以往類似嘅錯誤,通常都屬於「誤會」嘅層面,但隨住近年西方社會追求性別包容,特別對於跨性別者而言,被錯判性別就被視乎極度冒犯嘅行為。

或者係有見及此,KDE於最新一版《遊戲王》比賽守則中,將「刻意叫錯對方性別」與「拒絕於指示下戴口罩」、「提交虛假疫苗接種紀錄」、「於直播期間對鏡頭做出不適當行為」等列為「不君子行為 (Unsporting Conduct)」之一,若有玩家觸犯,將會被直接取消比賽資格。

比賽守則隨時代改變固然重要,但亦有網民表示實際上好難判定係咪「刻意」叫錯性別,尤其部份人嘅自身性別認同,唔一定能透過外表打扮輕易分辨,玩家一個唔小心就可能會叫錯然後被DQ。

預計在明年夏天正式上映嘅《反斗奇兵5(Toy Story 5)》,近日流出一批疑似係劇照嘅渲染圖,隨住引起Fans們熱烈討論。事關相中唔見薯蛋頭先生及薯蛋頭太太嘅身影,令人擔心迪士尼會喺新一集刪走呢兩位經典角色。 ...
hobby
【影視】《反斗奇兵5》首批渲染圖曝光 薯蛋頭先生及太太或缺席今集?
09 Jul 2025
日本動漫文化於全球都有重大影響力,而隨住更多動畫登上各大串流平台,其受歡迎程度似水漲船高。近日Netflix就公佈最新數據,指出日本動畫嘅觀眾於過去數年間以倍數增長,到目前為止其全球訂閱者中有一半都會觀看日 ...
hobby
【影視】日本動畫成全球主流 Netflix指半數訂閱者近3億人觀看動畫
09 Jul 2025