考慮到各位男士欣賞女仔時，通常都係將個注意力放喺之上，所以我哋平時介紹嘅女仔，都係以上圍有料為主。但我知道仲有一大班人，係對於美腿有所偏好，所以今日就同大家介紹下最近成為人妻嘅模特兒「江野沢愛美」啦。

現年26歲嘅「江野沢愛美」，自學生年代就已經開始模特兒工作，12歲就開始成為日本女國中生雜誌《Pichile》嘅專屬模特兒，後來隨住年紀漸長，就慢慢過渡到女子高中生雜誌《Seventeen》，以及年輕女性雜誌《non-no》。不過要數到佢人生中最重要嘅演出，大概就係2020年參加Abema嘅戀愛真人騷《恋愛ドラマな恋がしたい (想談一場如戀愛偶像劇的戀愛)》，因為佢於節目中遇到細佢一歲嘅男演員北條慶，二人成功配對成為戀人，並於3月21日宣佈結婚，所以佢係新鮮滾熱辣嘅人妻黎！

而除咗一眾女性向時尚雜誌之外，「江野沢愛美」間中亦有為一眾青少男雜誌拍攝寫真。咁大家都知做得時裝模特兒，上身通常都冇咩肉，但身高171cm嘅「江野沢愛美」，就有一對又白又滑又直又瘦嘅修長美腿，相信對部份男士黎講，應該非常吸引吧。

IG：enosawa_manami