唔知大家記唔記得，2017年時我哋曾經遠赴日本，訪問過當時因為拍電視節目《激辛美女》、食到除哂衫全身「令立立」而成名嘅「永尾まりや (永尾瑪利亞)」？你又有冇好奇過，事隔5年有多，依家嘅佢又係咩發展？答案就係佢已經由當年嘅「激辛美女」，進化成今日嘅「激辛熟女」啦！

「永尾まりや」於2009年參加AKB48嘅「第六回研究生」試鏡成功，再於2010年成為正式團員正式出道。後來佢2015年宣佈退團，開始發展其寫真及演員事業。而自我哋訪問佢到依家，其實都已經隔咗超過5年，而佢亦當年嘅24歲青春少女，變成下年就30歲嘅成熟女性。縱然外貌方面依然保持得到，但氣質比起以前就更加充滿「色氣」，寫真嘅衣著及甫士亦更加大膽、更加火辣。

而且你唔好睇好似冇咩香港媒體報導佢嘅新聞，其實佢於日本依然係有唔錯嘅知名度，尤其每次推出新寫真都會有相關報導見街，傳媒亦大讚佢嘅身材越發誘人。所以睇黎當年嘅小妹妹有好好長大呢！

IG：mariyagi_san