大家睇開我哋「深夜系列」嘅都知，日本傳媒好鍾意為一眾寫真女星「起朵」，而且啲朵通常都係有幾誇張得幾誇張，最緊要能夠搶奪大家嘅視線。不過，個人認為佢哋為「松嶋えいみ」起嘅朵「奇蹟的神Body」，就係少有誇張得黎又形容得幾貼切嘅，因為佢的確係有前有後，男人夢寐以求！

上個月過咗31歲生日嘅「松嶋えいみ」，自2014年寫真出道後，就以高挑嘅168cm九頭身比例、配上一對有成86cm長，佔咗佢身高51.2%嘅極火辣美腿而聞名。更難得嘅係，通常有身型修長嘅寫真女星都係偏瘦，但佢上身依然有F Cup身材，絕對可以話係應有盡有。所以自2017年起日本傳媒就封佢做「奇蹟的神Body」。DVD亦係年年都有，至今已經出咗28隻寫真DVD。

近年步入輕熟女階段後，佢嘅寫真風格更加越趨艷麗，誘惑度亦越黎越高，2020年時更獲得「キネマ旬報社」嘅「2020年年度寫真賞」，可見佢嘅魅力並無因為年齡而受影響。唔知佢又啱唔啱大家口味呢？

IG：eimi_matsushima