日本嘅女子偶像團體有兩大「集團」，分別大家由細睇到大嘅「AKB系列」，以及同為秋元康策劃，以「AKB官方對手」乃木坂46為首嘅「坂道集團」。而今日要介紹嘅呢位「金村美玖」，就係來自坂道集團之一嘅「日向坂46」啦！

現年20歲嘅金村美玖，自細就已經有個明星夢，喺加入「日向坂46」之前仲去過模特兒試鏡，不過就失敗咗。後來喺身為乃木坂46粉絲嘅哥哥「推波助瀾」之下，就去咗參選「日向坂46」嘅試鏡，並於成功入選成為團體嘅二期生。加入團體後佢嘅發展亦相當唔錯，曾經於團體嘅第4至第8首單曲中，連續成為頭排成員，更係第6支單曲時嘅中心成員。

縱然有著163cm嘅高挑身材，但平時「金村美玖」嘅打扮其實相當保守，係去年10月佢推出首本個人寫真集《羅針盤》時，大家先見到佢真正曲線。希望未來佢會拍更多寫真畀大家欣賞啦。

IG：miku_osushi