大家都知，日本女仔普遍都唔會太高，所以生得高嘅女仔，一係就去做模特兒，一係就去做賽車女郎，而近年唔少賽車女郎亦會踏足埋寫真界，令寫真界出現唔少高身長美女，好似呢位「七瀬なな」咁就係其中之一啦！

現年23歲嘅七瀬なな，係日本賽車女神團體「Pacific Fairies」嘅成員之一，去年更贏埋日本賽車女郎大賞嘅新人部門冠軍，被稱為「賽車女郎新人王」、「新女主角」。佢於接受訪問時表示，其實自己高中二年級時就想做賽車女郎，佢話當時自己已經有165cm高，喺家鄉算係異類，但後來有人同佢講，如果佢去做賽車女郎的話，身高就係優勢，於是啟發咗佢出道嘅心。

不過佢冇立即行動，而係等到畢業後做咗3年嘢儲夠錢之後，先決心參加目前團體嘅試鏡，仲要未知結果就已經決定搬去東京住，結果唔單止成功加入團隊，後來仲拎埋賽車女郎新人獎，最近仲獲《週刊Playboy》邀請初嚐寫真，睇黎未來嘅發展亦會更好！

IG：nn.nanase