雖然我成日話日本嘅水著寫真界競爭激烈，但其實只要外在條件夠搶眼，站穩陣腳後就可以話係長做長有。好似今日要介紹呢位「大葉めも」咁，擁有超豐滿上圍嘅佢，去年一出道廣受注目，更曾被評為年度新人。但出道未夠一年佢就突然預告引退，令人惋惜。

卻說現年20歲嘅大葉めも，於去年6月先推出首隻寫真DVD，而DVD正式推出前，就已經因為其「37H」嘅誇張身材而引起話題，推出後更加獲得傳媒、觀眾一致讚好。除咗可以登上各大青少年雜誌之外，更被《週刊Playboy》選為「新世代寫真女星 秋場所」嘅「東橫綱」(即係兩個冠軍之一)，年尾仲拎埋「年度寫真女星大賞」嘅新人賞，事業發展可謂平步青雲。

不過今年3月佢第三隻寫真DVD發行時，就突然宣佈會於今年8月推出第五隻寫真後離開經理人公司，同時離開寫真界。據佢接受訪問時表示，自己並唔係要離開演藝界，只係「有其他方向嘅發展」，而佢亦坦承寫真並唔係佢最想做嘅嘢，當初加入寫真界亦只係為咗累積知名度。不過佢就冇透露所謂嘅「新方向」究竟係啲咩，只係表示未來會透過社交媒體通知大家。

點都好，相信大家都希望大葉めも未來發展順利。而距離佢真正引退都仲有幾個月嘅時間，希望佢會拍多啲寫真畀大家享用啦。

IG：mmeeoo914