喺日本，不論你係演員、模特兒定係偶像，為雜誌拍攝水著寫真可以話其中一個成名必經階段，而且好多時都仲要你本身有返咁上下人氣先有機會拍。不過今日要介紹嘅呢位乃木坂46前成「相樂伊織」，就話佢其實想拍水著好耐，只係一直冇呢個機會，直到即將迎來出道十週年，離開團體都已經五年，先獻出自己嘅初水著寫真！

現年25歲嘅相樂伊織，早於2013年就已經成功通過乃木坂46二期生嘅徵選，但由於當時學校阻止，所以最終於2014年6月先開正式出道，並在2018年退出團體以演員身份活動，但就依然係「乃木坂46合同會社」旗下藝人。據佢接受訪問時透露，其實佢本身就好鍾意睇水著寫真，更係《週刊Playboy》嘅封面寫真以及YouTube嘅忠實Fans，但自己就一直冇機會拍攝。直到今年離開舊公司，先有機會獻出自己嘅初寫真。而睇完佢啲相，你一定會好奇，明明咁正點解唔畀佢拍寫真！

其實除咗嘗試水著寫真之外，相樂伊織雜開舊公司後亦有其他新嘗試，其中一個就係放棄多年嘅「黑長直」髮型，改以一頭短髮示人。佢表示換髮型係象徵住一個新開始。黎緊出道10週年更希望推出個人寫真集，繼續展現自己嘅好身材！相信大家都會好支持佢呢個決定啦！

IG：_iorisagara264_