日本演藝界中「上京」呢個詞，通常係指生活於東京以外、資歷或年齡尚輕嘅人從家鄉搬到東京發展。不過近日出道滿十年嘅「神志那結衣」，都被冠上「上京」一詞。事關佢過往一直於福岡效力AKB48嘅姊姊團HKT48，係去年九月從團體畢業後，先正式上京發展演藝之路，近來更獻出脫離團體後嘅初水著添！

現年25歲嘅「神志那結衣」，2012年6月時就已經通過HKT48嘅試鏡，2014年成為正式團員。雖然過去人氣一直不瘟不火，但佢依然於團體效力足十年，到去年6月先宣佈畢業。近日佢接受《週Play》訪問時提到，雖然自己真係好鍾意做偶像，但入團十年後感覺「咩都已經試過哂」，所以就希望尋找新機會。事實上佢退團後亦簽約新經理人公司，目前以演員嘅身份活動中，最近仲由家鄉福岡搬咗去東京生活。

今次為《週Play》拍攝寫真，就係佢離開團體後嘅首次。佢表示因為太耐冇拍過，所以一開始時有啲怕醜，但就好慶幸攝影捕捉到與以往做偶像時成日笑唔同，更成熟嘅模樣。唔知各位又覺得佢呢個樣吸唔吸引呢？

IG：jiina27