今晚要介紹嘅呢位「まるぴ」，其實去年佢剛出道時我都已經有同大家介紹過，不過當時嘅佢大學都未畢業，只係剛剛成名，。一年之後嘅今日，佢唔單止辭工全身投入藝能界，出演電影、綜藝，寫真方面更加係大爆發！淨係今年到目為止已經上過五次雜誌封面！咁即係代表佢有好多新相！咁就緊係要同大家介紹多次啦！

現年24歲嘅「まるぴ」，早於大學時期就已經擔任髮型屋嘅模特兒，2021年尾首次簽約經理人公司正式開展演藝事業，再加上佢嘅網絡人氣，火速成為矚目新人之一。不過當時嘅佢一來仲讀緊書、二來似乎亦未決定好前路，甚至去年四月畢業後仲真係做過一陣OL，希望可以雙線發展。直到去年11月左右，佢就決定辭去OL工作，全面投入藝能界。進入2023年後更迎來事業大爆發，到目前為止已經上過八次雜誌，其中仲五次係封面黎，故又被封為「大躍進新人」！

值得一提嘅係，入行初期日本傳媒通常都會用「可愛」黎稱呼佢，但近來佢就多咗個「あざとい」嘅稱號。「あざとい」全稱係「あざとかわいい」，其中後半部「かわいい」就係大熟知嘅「卡哇兒 (可愛)」，前面嘅「あざとか」其實係「機心」，加埋一齊就即係大家常聽嘅「心機婊」、「為咗吸引異性而扮可愛」咁解。雖然呢個只係大家對佢外表嘅感覺，但我覺得大部男性都唔會睇到佢幾有心機，因為大家都淨係睇到佢個心口啫。

IG：marupi_8989