唔少女性花費大量時間、金錢、心力去保養自己，目的就係為咗睇落可以後生三幾年，但其實個樣成得成熟，有時都係一種好事黎。好似今晚要介紹嘅呢位「玉田志織」，雖然目前只係個21歲嘅少女，但就早早散發住成熟女性獨有嘅誘人魅力，Fans年齡層亦因而大增！

「玉田志織」早於15歲時就參加「第15回全日本國民美少女比賽」，從超過8萬名參加者中脫穎而出，獲得審查員特別賞而出道。同年12月被選日本企業「Unitika」嘅「泳裝宣傳大使」、翌年16歲時推出首本個人寫真集《はじめまして 16歳 (初次見面16歲)》。雖然當時嘅佢只係一個高中一年級生，著起校服依然有少女嘅青澀感覺，但因為佢外表及身材睇落就相當成熟，所以曾經被人誤認為24歲，可以話係集青春與成熟於一身。

雖然推出寫真集後幾年，佢都專心發展演員事業，但近來佢就再次回歸寫真界，先後為《FLASH》及《週刊Playboy》拍攝新寫真。因為佢出道非常早，所以幾年過去後嘅今日，其實「玉田志織」都只係21歲。但脫離學生身份後嘅佢成熟感爆增，由當年嘅「國民妹妹」變成依家嘅「性感御姐」，甚至可以話佢開始有啲少婦嘅感覺。如果佢繼續於寫真界發展的話，相信都會有一番好成績！

IG：tamada_shiori_official