男人被女人吸引，當然有好多「硬體」上嘅原因，但其實女仔嘅性格、行為、待人接物等「軟件」，同樣亦可以迷到啲男人死心塌地。好似今晚要介紹呢位「朝日ななみ」咁，就擁有朝氣勃勃、無限體力嘅特質，淨係睇佢啲相都令人心花怒放呀！

2021年時我哋都曾經介紹過「朝日ななみ」，出身於日本新潟縣嘅佢，於高中三年級時同家人一齊搬到東京，隨即就於原宿買睡衣時被星探發掘而入行，並以「咲良七美」之名開姑藝能活動，2018年改名「咲良七海」後，透過《週刊Playboy》寫真出道，再於2020年轉投新經理人公司並再次改名做「朝日ななみ」，一次活動至今。

我個人就認為佢今次改名改得非常好！事關「朝日ななみ」接受訪問時，曾提到自己小時候好鍾意於較為鄉下嘅老家附近通山跑，而且由於體力旺盛，所以被同學及鄰居稱為「野孩子」及「外星人」。呢段經歷除咗令佢自小就擁有一身健康膚色，更令佢身形非常結實，毫無贅肉。再加上充滿陽光感嘅燦爛笑容，無論佢本人定啲Fans都非常朝氣勃勃呀！

IG：asahi_nanami