四年一度嘅亞運會於去週正式完結，相信各位都欣賞到各國運動員嘅努力以及比賽中嘅英姿。咁如果要大家揀一個最鍾意嘅亞運運動員，你又會揀邊個？我相信唔少人都會揀來自韓國嘅沙排女神「申智恩」！

2001年出世，現年22歲嘅申智恩來自韓國大邱市，本來打開室內排球嘅佢，近年轉戰沙灘排球，並代表韓國出戰今屆亞運。申智恩擁有171cm高挑身材，再加上長年運動令佢全身上下無一絲贅肉，甚至以運動員黎講可以話係偏瘦，身型更似一個模特兒。同時佢亦擁有不輸演員、網紅嘅精緻五官，有傳媒認為佢同韓國演員「李聖經」有幾分相似，所以封佢做「沙排李聖經」。不過要數佢嘅最大賣點，就一定係全身白到發光嘅膚色，於一眾擁有陽光膚色嘅沙排運動員中可以話係鶴立雞群，非常搶眼。

申智恩於今次亞運一出場就成功吸引傳媒以及觀眾目光，其社交平台嘅追蹤人數亦火速上升。可惜嘅係佢於賽場上嘅表現未如理想，於分組賽中四戰全敗早早收場。不過佢今年都只係22歲，黎緊仲大把機會！

IG：ww.grace.kr