《今際之國的闖關者》早年播出後引起熱潮，而土屋太鳳、朝比奈彩等女演員於劇中或多或少都有性感演出，更係引起唔少話題。但如果要講到現實中邊個演員最性感，個答案好可能係第二季中出場嘅「山田愛奈」。唔好睇佢於劇中飾演一個「Lolita八婆」，現實中嘅佢乃係一個非常「色氣」嘅美女！

現年25歲嘅「山田愛奈」最早係因為登上家鄉新潟市嘅《新潟美少女圖鑑》而為人熟知，後來於15歲時參加日本少女時尚雜誌《Seventeen》舉行嘅選美比賽、以及日本著名選秀「Miss ID」而出道，之後再成為雜誌《Non-no》嘅專屬模特兒而廣為人知。據佢接受訪問時表示，其實佢細個嘅夢想係做護士，對娛樂新聞毫無興趣，所以入行對佢黎講都係誤打誤撞。但憑著佢既時尚又性感嘅氣質外貌，加上佢唔忿氣嘅性格令佢加倍努力，最終先能夠於演藝界站穩陣腳。

「山田愛奈」天生一對貓眼加上豐唇，令佢一顰一笑都帶著莫名嘅神秘誘人氣息，所以過往演出嘅多係內心纖細、複雜嘅角色。就連佢影落嘅水著寫真，明明衣著、燈光、場地都好簡單，就硬係唔知點解充滿神秘色氣感。佢就話自己其實想演啲天真爛漫、簡簡單單嘅角色，唔知各位又想佢行邊個路線呢？

IG：aina_yama