Facebook上有啲咩「靚女關注組」，久唔久就會有人分享某啲新聞主播於IG上發佈嘅靚相，而且反應仲相當唔錯，睇黎各位男性對於「新聞主播」呢個職業依然係充滿幻想。如果你都係其中一員，咁你或者會對今晚要介紹呢位「白戸ゆめの」相當有興趣，因為佢其實係一個日本新聞主播，但近日就咗去影寫真，仲成個背脊打哂出黎添！

現年28歲嘅「白戸ゆめの」出生於東京，小時候就讀神奈川縣名校「慶應義塾湘南藤沢中學．高校」，畢業後直升著名大學「慶應義塾大学」就讀商學院，而且由中學時就一直係學校啦啦隊成員，淨係睇佢呢個經歷再加上佢嘅身材外貌，都估到佢當時一定係校花級嘅風雲人物。大學畢業後嘅「白戸ゆめの」因為想做報體育新聞，所以就向新聞主播方向發展，2018年成為「瀬戸内海放送」嘅主播兼記者，當時就算包到實都因為身材太豐滿而引起話題，最後工作3年就退職，並加入日本著名演藝經理人公司「Horipro」，成為自由身主播。

同時佢亦開始非主播工作增加人氣。好似去年及今年就先後兩次為《少年Young Jump》拍攝寫真，其中今年10月推出嘅新寫真更係首次泳裝上陣，其中一個造型為大露背「童貞毛衣」，加上側身若隱若現可見嘅線條，養眼程度非常高！而其餘造型亦可以見到佢身材其實頗有睇頭，未來嘅寫真作品值得期待！

IG：yumeno.s_