之前我曾經同大家介紹過來自AKB48嘅「鈴木くるみ」，而近日佢就同隊友兼好友「田口愛佳」一同為《週刊Playboy》嘗試雙人水著寫真，兩個樣靚身材正嘅美女同框出現，養眼度非常高。借此機會，亦同大家介紹下「田口愛佳」係咩來頭啦！(係，今篇主角係佢)。

「田口愛佳」及「鈴木くるみ」嘅雙人寫真

「田口愛佳」

12月即將迎來21歲嘅「田口愛佳」，於2016年10月通過AKB48第16期甄選而成為「暫停研究生」，同期入團嘅成員正正就係年輕一歲、後來成為佢好姊妹嘅「鈴木くるみ」。由於二人同期入團，同屬Team，而且感情要好，身高又差唔多，所以Fans就將佢哋並稱為「まなくる」。二人於2017年12月升格為正式成員，「田口愛佳」再於2021年移隊到Team K並擔任隊長，而「鈴木くるみ」就去咗Team B。雖然二人目前唔同Team，但平時會約出黎食飯，又會幫對方慶祝生日，私底下依然友好。

但Friend還Friend，二人之間都唔係冇競爭意識。好似近日二人接受《週Play》訪問時，「田口愛佳」就提到，雖然佢一直都對拍攝寫真有興趣，但見到身材勁好嘅「鈴木くるみ」寫真出道後，佢就覺得自己被比下去，唔會有人有興趣搵佢拍寫真。但其實從上面啲相大家應該見到，「田口愛佳」自己其實都頗為有料，絕對有力於寫真界佔一席之地！而佢早前亦為《Flash》拍攝咗兩輯寫真，反應都相當唔錯！希望佢未來會有更多靚相畀大家欣賞啦！

IG：t_manaka.12