可能唔少人都會覺得，要做寫真女星嘅首要條件，就係身材要好、有前有後。但其實只要搵到自己嘅賣點同定位，唔一定需要有非常誇張嘅身材先可以於寫真界站穩陣腳。好似今次要介紹嘅呢位「藤田いろは」，就連佢自己都話「我冇波」，於是佢就轉以修長手腳為賣點，結果一樣衝出名堂！

現年29歲嘅「藤田いろは」原本嘅夢想，其實係做一個新聞主播，讀大學時不但有去主播學校受訓，畢業後亦真係向各大電視台投過履歷，點知最後都冇人請佢。於是佢選擇「曲線救國」，決定先投身寫真事業積累人氣，希望未來有日能夠以此回到主播嘅路上。於是自2016年起佢就透過「festシンデレラオーディション」及講談社舉行嘅知名寫真選美比賽「Miss iD」寫真出道，並以寫真女星身份一直活躍至今。

「藤田いろは」接受訪問時曾提到，佢深知如果同其他寫真偶像相比，自己身材絕對算係「平平無奇」，所以身高165cm嘅佢就以屁股曲線以及頭身比例為賣點。而且當大部份女仔都為減肥而煩惱時，佢就係食極都唔肥，所以又自稱為「苗條主義者」。事實亦證明佢的確有市場，事關出道多年，佢除咗雜誌寫真之外，寫真DVD、電子寫真、VR寫真以及各種電視節目都有涉獵。而佢嘅最終目標，就係先登上寫真界嘅頂點，然後利用人氣開創自己主持嘅節目！

IG：irohairo1151