喺日本，一個女仔想快速累積人氣，加入寫真界可以話不二之選，所以近年就有大量本身處於另一領域嘅女仔加入寫真界，希望藉此打入日本演藝界主流。好似今晚要介紹呢位「宮川みやび」咁，就係一名近來轉戰寫真嘅直播主，而且我仲睇好佢明年會迎來爆發期！至於點解？睇落去就知啦！

現年24歲嘅「宮川みやび」，本來係以「ポンコツびぃちゃん」之名於Showroom進行直播嘅日本直播主。據知出身山梨縣嘅佢，本來係搬咗去東京住，但近來又因為鍾意鄉下生活，所以搬咗去富山縣，又因為咁而有「北陸的配信公主」、「富山藝人」之稱號。另外據報佢有16年薩克斯風經驗、而個人特技就係即興Rap，睇黎口技相當唔錯。

就咁睇，你可能會覺得佢都唔算太特別，點解我會話佢明年會爆發呢？主要原因有兩個。第一，就係佢嘅傲人身材！身高168cm嘅佢於一眾日本女仔已經算係頗為搶眼，更搶眼嘅係佢上圍報稱有100cm (39.5吋) G Cup，於寫真界黎講可以話係最大武器！第二個原因，就係佢目前正參與日本寫真界著名選美比賽「Miss Flash」，唔單止進入最終15人名單，更成為票選第一名，換言之好有機會奪冠。而過去能於「Miss Flash」拎獎嘅女仔，後來於寫真界嘅發展都相當唔錯，所以我都非常期待佢嘅未來！

IG：miyakawa_miyabi