近年潮流興短髮，所以唔少本來長頭髮嘅女仔都紛紛剪短，好似今晚要介紹呢位「青木胡杜音」咁，就甚至將剪髮過程當係寫真嘅一部份，睇住佢將及腰長髮剪成及肩，真係心痛得黎……呀剪完又真係幾靚女架喎！

現年23歲嘅「青木胡杜音」，最早係於2020年參加「日本小姐」競選而出道，而雖然佢未能成為冠軍，但就憑其166cm、八頭身完美身材比例，奪得當屆「著物小姐」，隨後又贏過多個浴衣、和服選美冠軍，自此坐定「和服美人」、「正統美人」之名。2021年初再獲日本雜誌《Flash》邀請，以和服拍攝性感寫真，並開始寫真活動。

而自細留有一頭長髮，最長時去到腰間嘅佢，早前正在考慮剪短髮，剛巧又遇上《週刊Playboy》嘅寫真邀請，於是佢就索性於鏡頭前剪下第一刀。雖然剪頭髮時佢覺得「好似將個仔送走」咁傷心，但又不得不承認，剪完頭髮後成個人都活潑可愛咗好多。而聲優學校畢業嘅佢，希望未來可以聲優、演技兩者兼顧。我份人就貪心啲，希望佢可以兼顧埋寫真就好啦。

IG：aoki_0228