大家有睇《唐伯虎點秋香》都知古時「賣身」係咩一回事。而黎到現代，雖然唔少人會將「拍寫真」當係「賣身」，但其實唔少寫真女星都唔需要憂柴憂米，有啲人甚至本身有份正職，只係因為寫真搵得多啲、想紅、又或單純想露而入行——但今晚要介紹嘅呢位「桑田彩」就唔同講法，因為佢係窮到出名、窮到上電視節目嘅「極貧」寫真偶像。

話說現年27歲嘅「桑田彩」，其實早於13歲時就開始拍攝少女寫真（喺日本係合法嘅），而佢當時入行嘅原因，係因為真係要幫補家計。據佢近年回憶，佢讀中學時屋企窮到一罐60Yen嘅汽水都買唔起，所以佢當時就好想出去打工幫手賺錢，但由於絕大部份兼職都有年齡限制，唯獨寫真界接受未成年人士，於是佢就開展寫真生涯，出過兩隻寫真DVD，甚至曾以「貧窮」代表參加日本著名主持「明石家秋刀魚」嘅節目。

後來或者係因為家境改善，或者係想專心學業，所以佢就暫時離開寫真界，直到2022年已經25歲時先再次復出。可能係因為發育時期食得唔夠嘅關係，長大成人後嘅「桑田彩」依然維持極纖瘦身型，上圍僅得28A，而佢亦選擇揚長避短，將纖腰長腿，以及全身最多肉嘅Pat Pat作為主要賣點。同時佢亦愛上汽車，除咗會揸自己部愛駒RX-8上山之外，仲會參加卡丁車比賽——起碼證明佢家境已有大幅改善，亦即係話大家睇佢啲寫真，其實係幫緊佢架！

IG：aya_kuwata