{ SKIP }
文:MenClub 魏文青  
POSTED ON 26 Jan 2024

目前世界各國嘅成人影片產業均以服務男性觀眾為主,所以唔少女權主義者及學者都將主流成人影片視作父權延伸嘅一部份,而當中最常被拎黎作為例子嘅,就係成人影片中男優射精嘅位置。女權主義者指出,男優於女優面上完事,表示出男性凌駕女性嘅父權思想,同時又因為呢種完事方法係成人影中嘅主流,代表觀眾(主要係男性)鍾意呢種父權表現。

不過,近日發表於兩性研究期刊《Sexes》嘅一篇論文就發現,其實男性並冇想像中咁鍾意「顏射」,甚至女性對於此舉嘅接受度,比男性都仲要高。算係打破咗一直嘅固有思想。

呢篇論文由來自加拿大蒙特利爾McGill大學社會學系嘅「Eran Shor」撰寫。佢透過網上平台及社群媒體招募咗來自全球55個國家、148名男性(一個跨性別者)、149名女性(兩個跨性別者)再加5個非二元性別者共302人,全部均為18歲或以上並定期觀看網上成人影片,再透過網上訪談研究佢哋對於成人影片中男優射精位置嘅感受。

結果發現,有近半數受訪者,包括58.9%男性及37.7%女性,根本就唔在意成人影片有冇展示男性嘅高潮;當中更有26.9%受訪者表示就算影片中有展示男性高潮,佢哋都唔在意射精嘅位置。而唔少異性戀男士受訪者更表示,自己根本就唔會睇到男優高潮嘅一刻,所以最後落喺邊個位置對佢哋而言無意義。

圖片:“As Long as It’s Not on the Face”: Pornography Viewers Discuss Male Ejaculation Perceptions and Preferences

至於在意射精位置嘅另一半人中,有部份認為男性達到高潮係性愛嘅重要部份,所以必須要「見到」射精嘅一刻,自然就會偏好男方於身體部位,包括面上完事。但要留意嘅係,異性戀女性(27.5%)比起異性戀男性(20.9%)更傾向「見到射精」。另一邊廂,偏好於面上完事嘅受訪者僅佔不足10%,而扣除咗更傾向於面上完事嘅非異性戀族群後,數字更跌到6.8%,當中女性(8.8%)比男性(5.3%)更高。換言之,於異性戀者中,鍾意於女方面上完事嘅男女均為少數,甚至女性嘅接受度比男性更高。

咁究竟在意射精位置嘅受訪者,又最偏好邊個位置?答案係女方體內。有37.8%受訪者表示希望見到男優於女優體內完事,當中更有48.4%異性戀女性表示有此偏好,比異性戀男性嘅33.8%更高。論文指出受訪者認為男方於女方體內射精,係表達出女方願意接受男方,帶出女方更沉醉於性愛當中,同時表達出雙方嘅尊重。亦有受訪者將男優體內射精視為「熱情、親密及真實」嘅表現。

資料來源:“As Long as It’s Not on the Face”: Pornography Viewers Discuss Male Ejaculation Perceptions and Preferences

俗語有云:唔怕生壞命、至怕改壞名。但改咗個好名,又係咪真係會「人如其名」呢?近日日本一位農務系教授就因為個名改得太正氣而引起熱議,而佢個名就係超中二嘅「執行 正義」。 blockquote class="twitte ...
thezone
【日本】「執行正義」!! 日本農務系教授名字超中二
22 Feb 2024
一個新人要於日本寫真界取得成功,除咗要依賴佢本身嘅「硬件」之外,其實仲需要好多其他因素配合,例如本身有冇特別嘅資歷,可能打過咩工、做過Model偶像等,有嘅話就更容易吸引到雜誌為你製造話題。而今日要介紹嘅 ...
girls
【深夜】奇蹟的八頭身 寫真界神秘新人「あんもち。」
21 Feb 2024