正如有時食得好嘢多，需要食清淡少少清清腸胃；有時大家睇得又大又靚嘅女仔多，都需要睇啲清新嘅靚女洗滌一下心靈。所以今晚就稍為換換口味，同大家介紹以「透明感」聞名，去年先高中畢業嘅日本寫真新人「前川莉珠」！

現年19歲嘅「前川莉珠」，早於17歲時就參加與東寶、東映並稱日本三大電影公司嘅「松竹」，以及其旗下「松竹藝能」、「松竹Entertainment」合辦嘅大型試鏡比賽中獲得亞軍而成為演員出道。一出道就獲得於生見愛瑠主演嘅電影《モエカレはオレンジ色》中演出嘅機會，再加上曾為日本著名校服公司「明石校服」拍過電視廣告，所以好快就累積到一定名氣。

不過要數佢近期嘅代表作，就係2023年時於日本著名媒體《美少女図鑑》與集英社《週刊Young Jump》聯合主辦嘅新人發掘企劃「第二回美少女Mining」中，被選為5人名單之一，並借此打開雜誌寫真之路。雖然對各位而言佢嘅身材就應該冇咩睇頭，平時嘅穿著風格亦以可愛為主，同性感冇咩關係。但「前川莉珠」勝在個氣質純過Meko純水，甚至可以話有啲初戀嘅感覺。睇到佢啲寫真真係覺得人都後生啲架！

IG：lizu_maekawa