雖然話才能於演藝界非常重要，但大家撫心自問，如果個藝人嘅外表並唔出眾，大家又有幾可會用心留意佢有咩才能？好似今晚要介紹嘅呢位「石井ひなこ」咁，如果我只係話佢係女子偶像團體成員、音樂大學畢業、甚至有埋絕對音感唱歌其實唔錯，大家又會撳入黎咩？好在「石井ひなこ」都知自己嘅最大賣點就係外在美，所以黎緊佢哋會專心寫真發展啦！

現年25歲嘅「石井ひなこ」，早於2021年仲讀緊音樂大學、Baby Fat都未收哂嘅時候，就已經憑第一隻寫真DVD《ひな恋》出道。2022年時佢作為創團成員加入女子偶像團體「スポポポポニー」，成為團內嘅「魅惑的性感擔當」，再加上佢音大畢業、擁有絕對音感嘅資歷，睇黎就係天作之合啦係咪？可惜嘅團體之後嘅發展平平，結果佢加入年半後，就於去年11月離團。

好在佢自細就非常憧憬同為偶像團體出身、後來身兼寫真女星加上創立多間公司嘅寫真女星「Kuriemi」，所以即使加入女團後依然有繼續寫真事業，去年10月退團前亦推出第三隻寫真DVD。今年初佢出席DVD發售活動時，就表示自己寫真會喺未來嘅事業重心，每個月都會舉行攝影會，相信佢會有越黎越多作品供大家享用啦。

IG：hinakoishii0925