來自韓國嘅「DJ SODA」於韓國、日本、香港、台灣以至東南亞都有巨大人氣，而且即使出道超過十年人氣依然不減，而且仲繼續有新嘗試。好似黎緊四月佢就會於日本推出首本個人寫真集，而為咗宣傳，佢近日亦頗頗為日本各大男性雜誌拍攝寫真！

DJ SODA本名黃素熙，2013年6月時於韓國正式出道做DJ，憑其可愛外表加上火辣身材以及性感行為，短短數年間就於整個東亞打響名堂，就算話佢整個亞洲最出名嘅女DJ相信大家都唔會反對。成名後嘅DJ SODA並無忘記本業，一直都繼續有DJ表演及出歌，而且成績仲相當唔錯。不過成名加上顯眼嘅身材亦曾為其帶來麻煩，好似去年8月於日本大阪音樂節表演時，就於近距離與台下觀眾互動時被多人胸襲，事後佢於社交媒體表示當時「無比震驚」，日本警方亦介入調查，甚至引起日本、韓國雙方網民互罵。

不過DJ SODA繼續無懼前往日本發展。今年1月時就公佈會於「4月某日」推出首本個人日本寫真集。近來亦獲日本著名少年雜誌《週刊Playboy》拍攝寫真。無可否認嘅係，佢身材外貌的確頗有「後天加功」嘅痕跡，但考慮到佢今年已經三十有五，Keep到咁都真係幾犀利架啦！唔知各位對佢本寫真集又有冇興趣呢？

IG：deejaysoda