時下年輕人觀念開放，隨便打開個IG碌兩碌，都可以見到啲女網紅/KOL著比堅尼影相拍片供大家欣賞。不過即使係隨便一本雜誌都會有泳裝寫真嘅日本，其實都有較為保守嘅女仔。好似今晚要介紹嘅呢位「吉田伶香」咁，佢人生首次著比堅尼，就係為咗拍攝人生首次水著寫真，換言之佢為大家獻出咗兩個第一次！

下個禮拜（4月5日）就迎來22歲生日嘅「吉田伶香」自細就有個演藝夢，早於小學五年級時就已經參加由AVEX主辦，專門發掘3歲到初中生童星嘅「Kiratto Entame Challenge Contest」，並於模特兒部門拎到準冠軍（即係亞軍）。隨後藉住升讀高中嘅機會直接由家鄉山形縣上京，並於2020年參加少女選美「Miss Teen Japan 2020」。雖然成績只係入選最終名單，但就已經夠佢借勢躍入日本演藝界。

參加完選美後嘅「吉田伶香」立即吸引到各方邀約，出道短短三年幾已經出演過超過10部劇集、4部電影、10個廣告。而且綜藝方面嘅成績亦相當唔錯，2021年參加Abema TV嘅戀愛綜藝《恋とオオカミには騙されない》令人氣再進一步，然後由2022年4月起擔任富士電視台長壽早晨節目《めざましテレビ》嘅客席主持更令佢成功入屋。咁樣睇，佢去到今年初先開始拍寫真都已經算遲啦！

IG：ryoka_0405