{ SKIP }
文:MenClub 魏文青  
POSTED ON 29 May 2024

如果我同你講,有個出道20年,8年冇出過DVD或者寫真集嘅日本寫真女星,最近打算推出新寫真集,你可能會想像佢係個三字尾到四字頭,雖然Keep得唔錯但始終有啲老態嘅「中女」。但今晚要介紹嘅呢位「小池里奈」,唔單止外型仲係充滿少女味,而且今年迎來出道20週年嘅佢,其實只係得30歲!換言之佢10歲就已經出道啦!

1993年出世嘅「小池里奈」於小學三年級時就於新宿街頭被星探發掘,2004年就於TBS電視台嘅真人版《美少女戰士》中飾演「露娜」(卡通版隻黑貓,但呢個劇集版本有人型態)而出道,同年仲出埋依家睇落非常不恰當嘅「兒童寫真」,自此就一直以童星、寫真女星身份活躍於日本演藝圈。由於「小池里奈」細細個時已經非常可愛,所以演出機會不斷,淨係睇寫真方面,佢於18歲前就已經出咗12隻DVD、10本寫真集,可以話係紅極一時。不過2016年大學畢業後,「小池里奈」於2017年時就突然宣佈從幕前引退,隨即就去咗美國Working Holiday,到2019年先回日本復出。隨後雖然繼續有拍劇、拍雜誌寫真,但產量都比之前下滑不少。

轉眼間幾年過去,小池里奈雖然已步入三字頭階段,但由於歲月喺佢身上幾乎冇留下任下痕跡,依然係美少女嘅狀態,所以被日本媒體稱為「奇跡的30歲」。同時由佢於本月初宣佈,會於7月推出出道20週年紀念寫真,亦係佢自2016年後首本個人寫真集。佢於接受方問時表示,其實一直對於自己個「大Pat Pat」頗無自信,但由於拍寫真以來太多Fans讚佢Pat Pat好睇,所以佢終於克服情結,於新寫真集中大方展現自己嘅武器,希望大家會更鍾意佢咁話。

IG:koike_rina_93

細個阿媽點解要教你唔好以貌取人?因為一個人嘅好多特質,其實係唔會靠個樣就可以反映到出黎,甚至佢個樣係隱藏咗佢嘅優點。好似今晚要介紹嘅呢位「土田優空」咁,睇佢個樣可能會以為佢只係一個圓臉妹妹,又點會知道 ...
girls
【深夜】禾稈冚珍珠 日韓混血「土田優空」
27 Jun 2025
如果話香港電視台嘅選秀節目係近年演藝界新人入行嘅踏腳石,咁日本嘅戀愛真人綜藝就基本上有同一個功能。近年有非常多新人,特別係女新人都係因為參演戀愛綜藝後人氣暴漲,繼而自往其他方面發展。好似今晚要介紹呢位 ...
girls
【深夜】日本戀綜新星 以演員為目標的「田中碧空」
25 Jun 2025