AKB曾經係日本偶像界首屈一指嘅天團，但近年因為Kpop興起以及團體內部問題，其人氣早已從高峰滑落。挽救團隊人氣嘅最快方法，或者就係捧出一位極具注目度嘅新代表人物。而今晚要介紹嘅呢位「正鋳真優」，或者就係佢哋嘅答案。

圍繞現年19歲嘅「正鋳真優」嘅話題，目前主要有兩個。第一就係佢個姓「正鋳」其實係日本極為罕見嘅姓氏，據報目前整個日本超過1.2億人口之中，只有約40人擁有呢個姓，當中絕大部份都來自「正鋳真優」嘅家鄉愛知縣，其中當然包括佢本人及佢屋企人。由於姓氏太特別，所以「正鋳真優」2022年一加入AKB，就成功吸引到傳媒注意。不過佢接受訪問時就提到，希望大家唔止會留意佢個姓，仲會留意佢嘅表現咁話。

而另一話題，就係佢似乎深受AKB內部嘅寄望。卻說佢於2022年5月以團體第17期研究生嘅身份出道，去到今年3月先升格成為正式成員，但佢於去年10月就已經為《週刊Playboy》拍攝單人水著寫真，亦代表佢係自AKB創團以來，首位可以拍攝個人寫真嘅研究生。雖然佢身材就唔算非常出類拔粹，但勝在年輕貌美而且笑容非常「GF-able」。各位又覺得佢「蜀中無大將」之下嘅廖化，定係可以一人挽救整個團體嘅孔明呢？

IG：ma3_1mayuu