{ SKIP }
文:MenClub 魏文青  
POSTED ON 15 Jul 2024

中國傳統思想認為「女子無才便是德」,但黎到21世紀呢句嘢已經完全不合時宜,現代女性唔單止要外表亮麗,仲要多才多藝先算係「得」。而按照呢個標準,今晚要同大家介紹嘅呢位「藤渡小百合」就一定係「好得」,事關佢樣靚身材正就唔使我講,而且身上有多個銜頭,甚至仲連格鬥技都學埋!

現年29歲嘅「藤渡小百合」,最早係擔任日本格鬥比賽「BreakingDown」嘅舉牌女郎而聞名;後來佢參加Netflix製作、要參加者於一個月內由認識到求婚嘅戀愛真人騷《Love Deadline》令人氣急升,於是開始踏足模特兒及藝人工作;舊年再以自己嘅人氣以及看護師資格,開咗自己嘅美容院;近來再獲《週刊Playboy》邀請首次拍攝水著寫真。換言之佢目前有舉牌女郎、模特兒、藝人、美容院老闆及寫真女星五個身份,難怪日本傳媒都稱佢為「頭銜很多的女人」。

外表方面,身高164cm嘅「藤渡小百合」身材算係頗為豐滿,但嗰啲唔係脂肪,而係佢過去五年努力做Gym、特別係勤練Pat Pat嘅艱辛成果。特別要注意嘅係,佢拍完寫真後就開始跟日本格鬥家「朝倉未来」學習格鬥技,所以依家嘅身材比起拍攝時更加好,連佢自己都於訪問中表示早知就拍攝前開始訓練,影出黎就更加靚。大家如果想睇佢嘅練習成果,或者就要等佢下一次拍寫真啦!

IG:sayuri__offi

有時「幸福」呢家嘢,真係靠對比出黎。所以如果你覺得自己嘅人生好悲慘嘅話,睇下今晚呢位日本Cosplayer嘅悲慘故事,或者會令你好過啲;如果你本身就屬於幸福嘅一群,咁睇到個靚女心情都一定更好啦係咪? ...
girls
【深夜】超悲慘人生 Cosplayer「ミンミコ」從《DQ》中獲得力量
12 Sep 2025
依家我哋話人有「主角光環」,大部份時間其實都係貶義,用於現實中嘅人就係話佢自我意識太高、用於虛構作品中就係話主角因為係「主角」所以先有各種奇遇。但其實有時「主角光環」都有正面影響,好似今晚要介紹呢位「 ...
girls
【深夜】以主角光環克服困境 150萬追縱TikToker「主人公」
10 Sep 2025